Молитва о воссоздании Донской церкви

Дорогие друзья, братья и сестры!

Воссоздание нашего храма невозможно без общей молитвы о благословении этого великого и благого дела. Текст краткого молитвенного обращения, расположенный на нашем сайте, вы можете включить в свое ежедневное молитвенное правило. О возрождении Донского храма можно и нужно молиться и Пресвятой Владычице Богородице, и Царственным страстотерпцам, и преподобному Сергию, игумену Радонежскому, с преподобным Серафимом Саровским, и святому благоверному князю Димитрию Донскому, имена которых носят или будут носить приделы нашего храма, а также священномученику пресвитеру Георгию Извекову - последнему настоятелю Донской церкви, убиенному за Христа на Бутовском полигоне.

Пусть это единство не только в литургической, но и в домашней молитве, крепче объединяет нас в деле служения Христу Спасителю и возрождения разоренной святыни!

Творче и Создателю всяческих, Боже щедрот и всякого милосердия, повелевый Моисею рабу Твоему святилище устроити, и праотцу Давиду на сердце положивый храм имени Твоему построити и Соломоном сие совершивый, да обитаеши среди сынов Израилевых, призри на нас, собранных во имя Твое, и молящихся к Тебе, по словеси святому Твоему: «Аще чесо просите во Имя Мое, Аз сотворю»; просим, молим и мили ся деем*, дело рук наших к славе Твоей совершаемое, во еже храм в честь иконы Донския Пречистой Матери Твоея, в годину гонений разоренный, воссоздати, Твоим благословением спешно исправи, и в совершение произведи, и нас, рабов Твоих (имена) благословив укрепи, вразуми, и от всякого зла избави, яко един Всесилен и Человеколюбец Бог еси, и Тебе славу возсылаем Отцу и Сыну и Святому Духу ныне и присно и во веки веков. Аминь. *«Мили ся деем», т.е. просим с умилением, от полноты сердца.

Скачать текст молитвы в формате PDF

Тропарь перед иконой Божией Матери Донская, глас 4-й

Заступнице верных преблагая и скорая, Пречистая Богородице Дево! Молим Тя пред святым и чудотворным образом Твоим, да якоже древле от него заступление Твое граду Москве даровала еси, тако ныне и нас от всяких бед и напастей милостиво избави, и спаси души наша, яко милосердая.

Кондак перед иконой Божией Матери Донская, глас 2-й

Небесныя обители преселившаяся с плотию, сущия на земли никакоже оставила еси, Богородице, образ Божественный и многочудесный Пречистаго Лица Твоего зрети любящим Тя и покланятися даровала еси, яко знамение Твоея благодати, чтим его лобызающе.

Молитва перед иконой Божией Матери Донская

О, Пресвятая Владычице, Дево Богородице, заступнице наша благая и скорая! Воспеваем Ти вси благодарственная за чудная дела Твоя. Песнословим от лет древних неотъемлемое заступление Твое граду Москве и стране нашей, чудотворным образом Твоим Донским всегда являемое: в бегство обращаются полки чуждих, грады и веси невредими сохраняются, людие же от лютыя смерти избавляются. Осушаются очи слезящия, умолкают стенания верных, плач в радость общую претворяется. Буди и нам, Пречистая Богородице, утешение в бедствиях, возрождение надежды, образ мужества, источник милости и в скорбных обстояниях неистощимое терпение нам даруй. Подаждь коемуждо по прошению и нужде его: младенцы воспитай, юныя уцеломудри и страху Божию научи, унывающия ободри и немощную старость поддержи. Посети в болезнех и печалех сущия, злыя сердца умягчи, братолюбие укрепи, мира и любви всех нас исполни. Примири, благосердая Мати, враждующия и оправдай оклеветанныя. Истреби пороки, да не восходят грехи наша пред Судиею всяческих, да не постигнет нас праведный гнев Божий. Твоими молитвами, всемощным Твоим покровом огради нас от нашествий вражиих, от глада, губительства, огня, меча и всякаго инаго злострадания. Уповаем молитвами Твоими получити от Всевышняго Бога грехов прощение и изглаждение и с Богом примирение. Умоли стяжати нам Царствие Небесное и по скончании жизни нашея одесную Престола Божия стати, идеже Ты, о Всепетая Дево, Святей Троице в вечней славе предстоиши. Удостой и нас с лики Ангелов и святых тамо восхвалити пречестное Имя Сына Твоего со Безначальным Его Отцем и Всесвятым и Благим и Животворящим Его Духом во веки веков. Аминь.

Тропарь, кондак и молитва перед иконой Божией Матери Донская в формате PDF

Акафист Пресвятой Богородице перед Ея иконой, именуемой Донская в формате PDF
Видеосюжет телеканала "Наши Мытищи"